Presidenti i Partisë së Lirisë, Ilir Meta ka reaguar pas protestës së mbajtur para SPAK-ut.
Përmes një postimi në rrjete sociale, Meta ka falënderuar mbështetësit e tij që u mblodhën para SPAK, për t’i dhënë fund asaj që ai e quan drejtësi me regji.
Ai foli gjithashtu edhe për kontrollet e SPAK në kompaninë ‘Harabel’, duke e cilësuar si një aksion që bëhet për t’i bërë hije procesit të desorosifikimit të drejtësisë.
“SPAK-u me regji, ngriti sot me dëshpërim në fluturim “Harabelin”, që vjen erë incenerator, për t’i bërë hije procesit të desorosifikimit të drejtësisë, që sapo ka nisur.
Falenderim dhe mirënjohje të përzemërt për të gjithë shqiptarët patriotë që sot u ngritën në këmbë, me guxim dhe me ndjenjë të fortë patriotike e kombëtare, për t’i dhënë fund drejtësisë me regji.
PA DREJTËSI NUK KA LIRI!”, tha Meta.
