Nga LSI e pranojnë Ilir Metën si negociator, për të ulur palët në një tryezë. Luan Rama në një intervistë televizive tha se opozita nuk ka komplekse nëse Presidenti i Republikës i thërret të gjitha palët në një tryezë për zgjidhjen e krizës politike.
“Ne nuk kemi komplekse dhe nuk kushtëzojmë se kush vjen në tryezë dhe për çfarë vjen subjekti apo institucioni. Ne kërkojmë që për shkak të lidhjeve të qeverisë me krimin, që ky kryeministër të japë dorëheqjen. Sot më i rëndësishëm është interesi i vendit në kuadër të procesit të integrimit europian”, deklaroi Luan Rama. Nga qeveria janë dy ministra që kanë kërkuar që presidenti të organizojë një takim mes liderëve politikë, pasi Edi Rama pyeti Lulzim Bashën: kur do flasim?
Sa i përket deklaratave të ndërkombëtarëve, zoti Rama thotë: “Ata janë si dëshmitarët e një X sekti që janë në ikje e sipër. Me gjithë respektin, ata le të zgjidhin problemin e tyre në kuadër të zgjedhjeve që kanë në prill. Sot ata nuk përfaqësojnë më asgjë, janë deputetë në ikje”./ Opinion.al
