Samiti i dytë i Diasporës ka vazhduar këtë të shtunë në Lezhë. Nga aty presidenti Ilir Meta ka dhënë mesazhe për krizën politike, por jo të drejtpërdrejta.
Duke folur pranë varrit të heroit tonë kombëtar Gjergj Kastriot Skënderbeu, Presidenti Meta tha: “Të ngrihemi mbi interesat e afatshkurtra për t’i thënë një ‘PO’ të fortë rrugës europiane të Shqipërisë, por edhe Maqedonisë. Nuk pata mundësi të isha më shpejt mes jush, pasi isha në Egjipt, ku takova disa përfaqësues të diasporës jonë”.
Duke iu referuar një shprehje të Nënë Terezës, Presidenti tha duhet të gjykojmë më pak të tjerët dhe t’i duam më shumë.
“Na duhet të jemi më të dashur me njeri tjetrin dhe ta gjykojmë më pak njeri tjetrin. Për këtë do na ndihmonte thënia e Nënë Terezës: Po t’i gjykojmë të tjerët pa fund, nuk do të na mbetet kohë për t’i dashur ata. Ndaj ta duam njeri më shumë dhe kjo është rruga e afrimit të mëtejshëm.”
Nga qeveria, dy ministra kanë hedhur idenë që Ilir Meta të jetë negociator për të zgjidhur krizën politike e për të ulur në një takim Edi Ramën dhe Lulzim Bashën. / Opinion.al
