Presidenti Ilir Meta ka deklaruar se në përfundim të mandatit ai do të rikthet aktivë në politikën shqiptare. Meta thotë se rikthimin e tij e diktoi humbja e opozitës në zgjedhjet e 25 prillit.
“Më 25 korrik 2022 rikthehem aktiv në politikë sepse nuk kam rrugë tjetër. Këtë e diktoi 25 prilli”,-tha Meta.
Kreu i shtetit ka theksuar se nuk e pranonte kurrë një mandat të dytë.
“Nuk do pranoj kurrë dhe asnjëherë një mandat të dytë si President nga Rama apo Basha. Kam bërë gjithçka kam mundur për vendin në këtë situatë, ndaj jam i vendosur për tu rikthyer aktiv në politik. Unë jam lider vetë, që dua nga të gjithë politikanet t’i kthejmë sovranitetin popullit shqiptar”,-tha Meta.
Gjatë një interviste për “Syri Tv”, Meta ka thënë se ka marrëdhënie të shkëlqyera me SHBA
Nuk jam veshur si grua për të bërë foto me Presidentin e SHBA dhe as kam paguar rusë apo jugosllavë për të takuar Presidentin e SHBA. Marrëdhëniet e mia me SHBA dhe me Ambasadën janë të shkëlqyera,”-tha Meta/ Opinion.al.
