Presidenti i vendit Ilir Meta ka marr pjesë në aktivitetet e organizuara me rastin e 100-vjetorit të Armëpushimit të Luftës së Parë Botërore dhe Forumit të Paqes në Francë, ku kanë qenë të pranishëm edhe shumë liderë të tjera nga rajoni dhe bota. Meta në faqen e tij në FB, ka ndarë me ndjekësit përshtypjet nga ky takim, ndërsa është pritur në pallatin Pallatin Élysée nga Presidenti Emmanuel Macron dhe Zonja e Parë.
“Kënaqësi të pritesha sot në Pallatin Élysée nga Presidenti Emmanuel Macron dhe Zonja e Parë Brigitte Macron në kuadër të ceremonisë madhështore të organizuar me rastin e 100-vjetorit të Armëpushimit të Luftës së Parë Botërore dhe Forumit të Paqes. Në nderim të paqes e lirisë dhe në respekt të sakrificave dhe të rënëve gjatë Luftës së Parë Botërore, si një mësim për të qëndruar së bashku rreth vlerave morale të popujve, vlera që na detyrojnë të punojmë me përgjegjësi për një botë në paqe dhe një shoqëri në themel të cilës të qëndrojnë harmonia, miqësia e respekti i ndërsjelltë”, shkruan Presidenti në Facebook.
