Kreu i Partisë së Lirisë Ilir Meta po mban fjalën e tij në hapjen e fushatës për zgjedhjet e 14 Majit. Meta tha se është koha që të vrapojmë, ndërsa theksoi se kanë mbetur vetëm 29 ditë për t’i dhënë fund monizmit absolut në pushtetit vendor.
“Është koha të vraprojmë! Edhe 29 ditë për t’i dhënë fund monizmit absolut në pushtetit vendor. Pyes veten, pas 4 vitesh do shkallmojmë atë që askush nuk e mendonte ndonjëherë në Shqipëri, që ky vend anëtar i NATO, 100 përqind pro europian, të jetë një vend ku në mënyrë të paligjshme një klikë kontrollon në mënyrë absolute të gjithë pushtetin vendor.
Asnjë këshilltar opozitar në 4 vite në Shqipëri.
Ne e dimë shumë mirë se pushtet absolut do të thotë korrupsion absolut siç është e gjithë Rilindja. Koha e ndryshimit ka kaluar me kohë, është koha për revolucion.
Për revolucionin me votë që do sjellë përmbysjen e korrupsionit absolut”, tha Meta.
