Presidenti Ilir Meta shprehet se opoziat aktuale nuk dëshiron të fitojë dhe për këktë arsye i gjithë pushteti është i përqendruar tek PS.
Gjatë një interviste televizive, Meta tha se “opozita nuk ka bërë detyrën e saj për të mbrojtur popullin dhe shtetin, duke i lënë fushën bosh mazhorancës”.
Kreu i shtetit bëri dhe një parashimim për veten e tij, duke thënë se për gjatë 30 viteve të ardhshme do të jetë i përqendruar në kauzën e sovranitetit të institucioneve.
“Nëse kjo opozitë nuk fiton, kjo tregon se ajo nuk do të fitojë. Kjo tregon qartë që lidershipi i opozitës bëri atë që deshi Edi Rama, dhe kjo më detyron të rikthehem si lider në politikë. Shkaktari për gjendjen që po kalon vendi, është qeveria dhe opozita, e cila i ka qenë në shërbim të saj, duke ja bërë më të lehtë, për të kapur të gjitha institucionet. Opozita nuk ka bërë detyrën e saj për të mbrojtur popullin dhe shtetin, duke i lënë fushën bosh mazhorancës. Unë synoj të jap kontributin tim në politikë aktive dhe do të jem jashtëzakonisht aktiv. Sigurisht që vendi ka nevojë për fuqizimin e opozitës, dhe unë do të jem pikërisht në këtë angazhim. Mendoj që problemi kryesor që ka sor vendi është rikthimi i sovranitetit të popullit ndaj politikës dhe institucioneve. Kjo është edhe detyra ime 30 vitet e ardhshme,-tha Meta./ Opinion.al
