Presidenti, Ilir Meta ka postuar një video mesazh në rrjete sociale vetëm pak para nisjes së manifestimit, të thirrur prej tij.
“Të dashur motra dhe vëllezër! Kushtetuta e popullit po pret popullin e Kushtetutës. Edhe pak momente na ndajnë nga nisja e Pranverës Kuq e Zi. Mirë se vini të gjithë”, thotë kreu i shtetit.
Ndërkohë para Presidencës, në bulevardin “Dëshmorët e Kombit”, kanë nisur përgatitjet për tubimin e orës 17:00, ku pritet të marrë pjesë dhe opozita me mbështetësit e saj.
Sikurse është deklaruar më herët, pritet që kreu i shtetit të nënshkruajë edhe një dekret, për të cilin ende nuk dihet nëse ka të bëjë me ligjin për Gjykatën Kushtetuese, apo me një shpërndarje të mundshme të parlamentit sikurse është aluduar.
Policia e Shtetit parashikon të ketë në terren rreth 1 mijë forca, ndërsa dera kryesore e Kryeministrisë, në pjesët e xhamit është veshur me një material metalik./Opinion.al
