Një ditë pasi Presidenti i Maqedonisë, Ivanov refuzoi ti japë mandatin Zaevit për formimin e qeverisë për shkak të platformës së gjuhës shqipe ka reaguar kreu i Kuvendit të Shqipërisë.
Ilir Meta thotë se retorikat nacionaliste anti-shqiptare po dëmtojnë bashkëjetesën në Maqedoni dhe rajon.
Ai shprehet i shqetësuar dhe e cilëson të rëndë situatën në Maqedoni. “Inkurajoj të gjitha forcat politike në vendin fqinj për qetësi, përgjegjshmëri dhe konstruktivitet”, tha Meta në një njoftim për mediat. “Dëshiroj të shpreh gjithashtu keqardhjen për retorikat nacionaliste anti-shqiptare të cilat cënojnë harmoninë dhe bashkëjetesën ndër-etnike – si garanci për stabilitetin e vendit fqinj”, thuhet në deklatarë.
