Presidenti Ilir Meta ka kujtuar mëngjesin e sotëm referendumin e vitit 1998 dhe ka sjellë në vëmendje si u punua për Kushtetutën në atë vit nga ata që kreu i shtetit i quan socialistët e ndershëm e patriotë.
Teksa ka shpërndarë një video në rrjetet sociale, Meta shkruan se sot Kushtetuta shkelet e përdhoset me pabesi dhe poshtërsi ndaj sovranit që e votoi më 22 nëntor 1998 me Referendum.
Po ashtu, Meta është shprehur se është i bindur që kauza e tij është e përbashkët me qytetarët shqiptarë.
Postimi i Metës
Një mirënjohje e zjarrtë i shkon sot kompozitorit tonë të madh Limoz Dizdari, për solidaritetin e tij me kauzën mbarëkombëtare për mbrojtjen e Kushtetutës së Shqipërisë.
Aq më tepër kur vjen nga një artist i madh me kontribute të spikatura publike, dhe nga një prej reformatorëve të Partisë Socialiste me kontribute historike, që me vizionin e tyre e bënë Shqipërinë me një nga Kushtetutat më demokratike në Europë.
Ja si e bënin Kushtetutën socialistët e ndershëm e patriotë ne vitin 1998. Ndërsa sot shkelet e përdhoset me pabesi dhe poshtërsi ndaj sovranit që e votoi më 22 nëntor 1998 me Referendum.
Faleminderit Profesor Limozi! Jam shumë herë më i bindur në drejtësinë e kauzës tonë të përbashkët! ??/ Opinion.al
