Kryetari i Grupit Parlamentar të PS, Taulant Balla, ka reaguar pas kthimit në Kuvend të “Buxhetit 2021” nga ana e Presidentit Ilir Meta.
Përmes një postimi në rrjetet sociale, Balla shkruan se presidenti nuk ka asnjë të drejtë të kthejë Buxhetin e Shtetit për shqyrtim në Kuvend.
Socialisti e cilëson të turpshëm kthimin në Kuvend të Buxhetit, ndërsa thekson se ai do të rivotohet menjëherë sipas procedurës parlamentare dhe do të hyjë në fuqi siç e ka votuar Kuvendi.
Reagimi
Presidenti nuk ka asnjë të drejtë të kthejë Buxhetin e Shtetit. Por është e turpshme dhe djallëzore të vonosh hyrjen në fuqi të Buxhetit të Shtetit sot kur aty janë planifikuar:
MBËSHTETJA MË E MADHE PËR SHËNDETËSINË DHE RINDËRTIMIN,
MBROJMË JETËN E QYTETARËVE NGA PANDEMIA, GARANTUAM FONDIN PËR VAKSINËN ANTI-COVID,
RIMBURSOJMË KURIMIN ÇDO QYTETARI/QYTETAREJE SHQIPTARE NGA COVID-19,
RRISIM PAGAT ME 40% PËR MJEKET DHE PERSONELIN SHËNDETËSOR,
MIRATUAM 280 MILIONË DOLLARË PËR RINDËRTIMIN.
Buxheti do të rivotohet menjëherë sipas procedurës parlamentare dhe do të hyjë në fuqi siç e ka votuar Kuvendi!/ Opinion.al
