Presidenti Ilir Meta deklaroi se Kosova dhe Serbia duhet të konsolidojnë marrëdhëniet e të shkojnë drejt BE pa prekur kufijtë.
Këtë deklaratë, Meta e bëri gjatë një interviste për gazetën prestigjoze italiane “Il Messaggero”.
“Për paqen, jo vetëm në rajonin tonë, është themeltare që Beogradi dhe Prishtina të konsolidojnë marrëdhëniet dhe të shkojnë bashkë, akoma më shumë, në rrugën e integrimit europian por pa prekur çështjen e kufijve.” – u shpreh Presidenti Meta.
Më tej, Presidenti u pyet në lidhje me 20 emigrantët e anijes Dicioti. Gjithashtu, nëse do ishin të gatshëm të merrnin përsëri emigrantë të tjerë.
Për të, vendi ynë do të merrte një sakrificë të tillë në rast nevoje për të ndihmuar Italinë dhe Greqinë. Kjo, duke pasur parasysh mundësitë dhe sigurinë e kufijve tanë.
Sipas tij, pak vende nuk mund të zëvendësojnë rolin e BE në administrimin e krizës së refugjatëve.
Me gjestin tonë të marrjes së 20 emigrantëve kemi dashur që të ketë edhe një reflektim europian sesi të zgjidhet ky problem i rëndësishëm.
Bisedimet për anëtarësim në BE?
Presidenti tha se shpresojmë që bisedimet të hapen dhe vendi të anëtarësohet sa më shpejt në BE.
Dëshiroj që BE të shohë në optikën e duhur progresin e bërë nga Shqipëria, jo vetëm për integrimin europian, por edhe për të focuar ekonominë dhe shtetin e së drejtës.
Meta foli edhe për takimin e nesërm në Vatikan me Atin e Shenjtë, Papa Françeskun. I cili shprehu falënderim për mbështetjen e dhënë ndaj Shqipërisë.
Mbi të gjitha vendi ynë është vendi i Shenjtores Nënë Terezë dhe i Kardinalit Ernest Simoni-Troshani, i martirizuar për dekada në burgjet komuniste bashkë me dhjetra klerikë të tjerë.
