Kreu i Lëvizjes Socialiste për Integrim Ilir Meta duket se nuk e ka thënë ende fjalën e fundit për koalicionin me të cilin kjo forcë do të pozicionohet në zgjedhjet e vitit 2017.
Në një intervistë për Report TV, Meta është shprehur se “fjalën e fundit” për koalicionin do ta thotë Konventa e LSI-së, duke lënë të hapur mundësinë e një tjetër konvente para zhvillimit të zgjedhjeve.
Një ditë më parë, nga Konventa e LSI-së që po zhvillohet në Pallatin e Sportit, Meta deklaroi se bashkëpunimi me Partinë Socialiste ka potencial të lartë dhe ende nuk është shfrytëzuar plotësisht, duke lënë të besohej se koalicioni do të vazhdonte edhe në kërkim të një mandati tjetër.
