Presidenti Ilir Meta ka reagua përsëri, duke u shprehur se; “Sot është dita e referendumit të tradhtuar. Koha për referendum të ri”.
Meta u shpreh edhe ditën e djeshme që Shqipëria mund të zgjidh krizën e saj vetëm përmes referendumit, ku vendos populli. Pas shkarkimit ditën e djeshme të prokurorit Besnik Muçi nga KPA, Meta bërë një sërë deklaratash të forta në adresë të qeverisë, ndërsa procesin e vetting-ut e cilësoi si “vetting të partisë” .
Presidenca dhe Qeveria është përfshirë në një përplaje të ashpër për shkak të emërimeve të anëtarve të Gjykatës Kushtetuese. Kjo ka bërë që presidenti Ilir Meta të hedh akuza dhe në adresë të kreut të KED, Ardian Dovrani, duke theksuar se ka bërë veprime mafioze.
Ditën e djeshme, mazhoranca përmes kreut të Grupit Parlamentar të PS, Taulant Balla, deklaroi se çështja e Gjykatës Kushtetuese do i dërgohet Komisionit të Venecias, i cili do mund të jap një verdikt përfundimtar dhe për të ndaluar palët për të bërë interpretime ligjore./ Opinion.al
