Avokati Genc Gjokutaj ka depozituar në Apelin e GJKKO kërkesën për lirimin nga qelia të Presidentit të PL-së, Ilir Meta.
Gjokutaj tha për gazetarët se nuk ka asnjë kriter të përgjithshëm apo të veçante që Ilir Metës t’i caktohet ajo masë.
“Qëndrimi jonë është kundër kërkesës së SPAK dhe gjykatës që caktoi këtë masë. Kjo masë nuk ka asnjë kriter të përgjithshëm apo të veçante për tu vendosur. Edhe nga pikëpamja e dyshimit të arsyeshëm që duhet të bazohet në prova, mund ta them që ky është një vendim i tipit thashethem.
Në te treja procedimet, që këta i kanë bashkuar bashkë, edhe tek pjesa e mosdeklarimit të pasurisë situata është krejt tjetër dhe në momentin që jemi duke investiguar këtë pjesë nuk mund të bëjmë të ditur më shumë”, tha avokati.
