Presidenti Meta do të depozitojë sot në Gjykatën Kushtetuese kërkesën për shpalljen antikushtetuese të ligjit për shembjen e teatrit.
Burime nga presidenca njoftojnë se “Presidenti i Republikës Ilir Meta do të shkojë sot në ora 13:00 në Gjykatën Kushtetuese për të depozituar kërkesën për shpalljen antikushtetuese të ligjit për shembjen e godinës së Teatrit Kombëtar.”
Pas përplasjes së sotme përpara godinës së Teatrit mes policisë dhe qytetarëve që kundërshtojnë prishjen e godinës, Meta reagoi duke e quajtur praninë e policisë të turpshme dhe incidentet e përplasjeve si ngjarje të papranueshme. /Opinion.al
