Presidenti Ilir Meta i është përgjigjur në distancë deklaratave të thëna pasi ai shpalli sot dekretin e datës së re të zgjedhjeve.
Në mbyllje të takimeve më përfaqësues të forcave politike në shqipëri këtë të enjte Meta shkruan se Kushtetuta e Shqipërisë i jep atij të drejtën ekskluzive për të caktuar datën e zgjedhjeve.
Sipas Presidentit kjo duhet ti mbajë të qetë përfaqësuesit e opozitës dhe të mos provokohen nga askush që kërkon trazira në Shqipëri dhe Ballkan.
Presidenti i Shqipërisë, Ilir Meta, dekretoi sot 13 tetorin si datën e re për zgjedhjet vendore, duke shprehur shpresën që ato të jenë gjithëpërfshirëse, të qeta dhe me standarte demokratike.
Kryeministri Edi Rama reagoi menjëherë për datën e re të dekretuar për zgjedhjet vendore të 13 tetorit. Ai shkroi në rrjetet sociale se 30 qershori është e vetmja datë për zgjedhje vendore.
Kreu i Partisë Demokratike, Lulzim Basha, theksoi në një deklaratë për mediat se nuk do të ketë asnjë marrëveshje me kryeministrin Edi Rama dhe se largimi i tij është i panegociueshëm. /Opinion.al
