TIRANË- Ilir Meta i vënë në qendër të vemendjes, pas akuzave të opozitës për aferën e CEZ dhe zërave për një krisje të mundshme të mazhorancës ka dhënë disa përgjigje sot.
Në fokus kishte Berishën e Bashën… ndërsa Dritan Prifti duket se nuk e tremb. Ai takoi në kafen e hotel ‘Rogner’ Shpëtim Idrizin e PDIU-së, i perfshirë në koalicionin e majtë para zgjedhjeve lokale.
Më pas Meta iu përgjigj interesit të madh të gazetareve që prisnin jashtë përreth një orë sa zgjati dhe kafeja mes tyre.
Pse u takuat me z Idrizin sot?
Problem do ishte mos takohemi jo të takohemi.
Po biseduat dhe për letrën e z. Spartak Braho?
Nuk kemi kompetencat e z Braho ne…
Po cfarë mund të na thoni për kërkesën mbi hetimin ndërkombëtar që ka kërkuar Basha?
Janë dy gjëra të ndryshme ato që kanë kërkuar i pafajshmi Basha dhe ato që ka kërkuar z.Berisha. Unë e kam mbështetur z.Berisha nga dita e parë në kërkesën
e tij. Ndërsa z. Basha ka kërkuar dicka tjetër, mos hetim ndërkombëtar. Ju e dini shumë mirë, dhe doktori e di shumë mirë, që kur them ‘PO’ nga ana ime, ka marrë fund.
Do merrni pjesë në seancën e së enjtes se munguat javën e kaluar?
Sigurisht që do të jem, herën e kaluar mungova se isha sëmurë nga nje virozë, që ma ngjiti një koleg i nderuar, që nuk dua tia përmend emrin tani.
Po kërcënimet për plane kundër jush?
Me qetësi e dashuri mund t’ju them që origjina ime e fortë malore nuk më shqetëson nga asnjë lloj intrige moçalore.
