Gjatë zgjedhjeve lokale u konstatuan disa parregullsi, ku në disa bashki numri i votave ishte më i madh se i votuesve, gjë e cila vuri në pikëpyetje ndershmërinë e procesit të votimit të zhvilluar ditën e djeshme pa pjesëmarrjen e opozitës.
Një rast i tillë ishte Bashkia e Urës Vajgurore, për të cilën KQZ deklaroi se kishin marrë pjesë në votime 5900 persona. Ndërkohë që sot kandidatja Juliana Memaj është shpallur votuese me 7666 vota.
Por më vonë, KQZ u justifikua duke thënë se ato ishin të dhëna paraprake dhe jo zyrtare.
Lidhur me diferencën mes votave dhe votuesve, ka reaguar dhe presidenti Ilir Meta.
Presidenti ka publikuar në “Facebook” një meme me të cilën ironizon numërimin e votave.
Në postimin e tij, Meta shkruan:“Numërim, jo mbi parimet e shtetit të së drejtës, por mbi progresionin gjeometrik”./ Opinion.al E.Xh.
