Presidenti i Republikës, Ilir Meta është shprehur ditën e sotme se institucionet e drejtëësië do të jenë të pavaruara vetëm pas zgjedhjeve të 25 prillit.
Në një intervistë për RTvOra, Meta ka thënë se në një Parlament një partiak, me këtë presion të jashtëzakonshëm, që ushtrohet ndaj institucioneve të drejtësisë, me këto ligje që bëhen për të vendosur policinë mbi SPAK dhe Byronë Kombëtare të Hetimit në mënyrë antikushtetuese, sigurisht, është e vështirë që të pritet pavarësi dhe rezultate të besueshme nga këto institucione, dhe nga të gjitha institucionet e reja të drejtësisë.
Pyetje: Pjesë e Reformës në Drejtësi është dhe krijimi i SPAK, apo institucionit të Byrosë Kombëtare të Hetimit. Si e shikoni deri më tani punën dhe pozicionin e SPAK-ut, në raport me pritjet e qytetarëve dhe a ka shpresë të ofroj një model të munguar SPAK, apo të gjitha institucionet e drejtësisë…
Presidenti Meta: Për këtë është më mirë të pyesni qytetarët. Unë, e theksoj dhe një herë tjetër që të gjitha institucionet e drejtësisë, do të mund të tregojnë pavarësinë, integritetin dhe besueshmërinë e tyre pas 25 Prillit.
E them këtë sepse, me një Parlament një partiak, me këtë presion të jashtëzakonshëm, që ushtrohet ndaj institucioneve të drejtësisë, me këto ligje që bëhen për të vendosur policinë mbi SPAK dhe Byronë Kombëtare të Hetimit në mënyrë antikushtetuese, sigurisht, është e vështirë që të pritet pavarësi dhe rezultate të besueshme nga këto institucione, dhe nga të gjitha institucionet e reja të drejtësisë. Sepse kjo është çështje e vullnetit politik./Opinion.al
