Kryetari i Partisë së Lirisë, Ilir Meta në një deklaratë për mediat pas takimit në selinë blu me kreun e PD, Sali Berisha, u tha gazetarëve se partia që ai drejton ka propozuar një emer për kryetar të Këshillit Bashkiak të Tiranës.
Meta nuk zbuloi emrin por tha se bëhet fjalë për një politikan të nderuar që është mirëprituar nga Berisha.
“Nuk kam pasur asnjë diskutim për emrin që do të jetë në Tiranë dhe kudo tjetër për arsye se ky është një proces që i takon primareve dhe do të respektojmë çdo emër që del nga primaret. I kam propozuar një emër Berishës për kryetar të Parlamentit të Tiranës, të cilin ai e priti me shumë kënaqësi. Emrin do ta mësoni shumë shpejt. Parlamenti i Tiranës do të jetë institucioni më i rëndësishëm deri në Parlamentin e ri të Shqipërisë. Është super politikan.”-tha Meta.
