Gjatë fjalës së tij në ditën ndërkombëtare të dhurimit të gjakut Presidenti Meta ironizoi vendimin e Kolegjit zgjedhor për të shqyrtuar dekretin e tij.
“Dekreti mund të gjykohet edhe nga Gjykata e Skraparit që nuk ekziston, Presidenti nuk ndalon askënd të çmendet, përkundrazi ftoj për të izoluar cdo të çmendur i cili në këtë ditë të dhurimit të gjakut bën thirrje për gjëra të ndryshme”
Termi ‘i çmendur’ u përdor nga Kryeministri Rama disa ditë më parë në një fjalim në fushatë ku ai tha: “Parlamenti do të veprojë sa herë që presidenti të çmendet.”
Më tej Presidenti theksoi se dekreti i tij është në fuqi dhe i detyrueshëm për tu zbatuar nga të gjithë madje ai paralajmëroi se ata që ecin në rrugën e paligjshmërisë do të mabajnë pasojat.
Dekreti është në fuqi i detyrueshëm për të gjithë, Presidenti mban shënim të gjitha institucionet që shkelin ligjin. Presidenti ka drejtë të bëjë thirrje për reflektim, ata që e ecin në rrugën e paligjshëmrisë do të kenë të gjitha pasojat që provokojnë paqen sociale në vend dhe stabilitetin demokratik në vend” deklaroi Meta. /Opinion.al
