Presidenti Ilir Meta është përplasur sërish në distancë me shefin e qeverisë. Ky i fundit tha se çelja e negociatave është një çështje politike dhe e lidhur me problemet e brendshme në union. Por Presidenti Meta mendon ndryshe. Ai u shpreh se pa zgjidhje të krizës nuk ka hapje të negociatave në muajin tetor.
“Në këtë krizë të thellë demokratike që ka vendi, aq më tepër për paaftësinë dhe mungesën e vullnetit për zgjedhje vendore të përgjithshme, kam thënë se nuk ka çelje negociatash me BE. Për çështjen e integrimit Europian, mos prisni t’ua thonë ambasadorët. Ata të vërtetë, më mirë se unë që kam 30 vite këtu, nuk e di asnjë më mirë. Të gjitha ata shohim mandatin e tyre që është i kufizuar”, tha Meta.
“Unë nuk kam këtu ti bëj qokë askujt, as opozitës dhe as qeverisë. Jam për interesin kombëtar. Ky është qëllim kombëtar. Pa zgjedhje vendore, të paktën minimumi, me standarde, mos prisni asnjë mrekulli në 18 tetor që të gdhiheni me celje negociatash, prandaj kam apeluar për dialog” tha më tej kreu i shtetit.
Një përgjigje po ashtu i dha Ramës ne lidhje dhe me shëndetin e tij, që kryeministri Rama u shpreh “i gatshëm ta ndihmonte pasi ishte në gjendje të vështirë”.
“E falenderoj për solidaritetin, por po të kem probleme shëndetësor shkoj te doktori, unë nevojë për piktura nuk kam, se kam shumë, por ndonjë gjë të veçantë edhe mund ta pranojë prej tij. Sa i takon parametrave janë në përmirësim. Vetëm këtë fundjavë bëra 50 km ecje dhe tani jam gati për majën më të lartë që ka Shqipëria, pasi nuk dua të largohem nga Shqipëria në Gusht nëse do të ketë nevojë për dialog. Jam gati për majën e Korabit, nëse ka dëshirë, të na bashkëngjitet. I vetmi shqetësim që kam unë është data 19 tetor, se u intereson të gjithëve, duhet ti bashkojë shqiptarët” tha ai./ Opinion.al
