Presidenti Meta ka dhënë një reagim të menjëhershëm pasi Ambasadorja Amerikane mbajti një qëndrim të ashpër lidhur me deklarat e tij për “rrëmbimin e sfurqeve”.
“Meqe me dergoi live sms i them Ambasadores Amerikane mos e mbeshtet me Edi Ramen. Meqe jam transparent po ju them edhe nje fakt qe Ambasadorja Amerikane më ka kërkuar mua si President, një ditë para mbledhjes së KED-së të pranoj unë Adrian Dvorani. Këtë ajo e kërkoi jo në emër të Amerikës, po në emër të Edi Ramës. E perqafoj ambasadoren amerikane dhe i them boll nderhyre ne punet e brendshme te Shqiperise ne kete menyre te njeanshme”, tha Meta në një studio televizive.
Ambasadorja Amerikane Yuri Kim, përmes një tuiteri u shpreh: “Është e papranueshme për këdo që të kërcënojë se qytetarët do të rrëmbejnë “sfurqet” në 25 prill, apo nëse ata nuk pëlqejnë rezultatin e zgjedhjeve. Këto kërcënime meritojnë dënime. Ata që nxisin dhunën do të mbajnë përgjegjësi për pasojat e fjalëve dhe veprimeve të tyre. Mjaft”./Opinion.al
