Presidenti Ilir Meta ka falenderuar ish-ministrin e Partisë Socialiste Elmaz Sherifi, pasi sipas tij, po mbron publikisht kauzën e mbrojtjes së Kushtetutës.
Meta shprehet në reagimin e tij në rrjetet sociale se nuk ka Kushtetutë pa Gjykate Kushtetuese me integritet. Po ashtu Presidenti, ai është ndalur dhe tek vërejtjet që Sherifi ka bërë për të shkuarën e tij.
Meta e siguron ish-ministrin socialist se ai vet ka shumë më tepër vërejtje për të shkuarën e tij.
Reagimi
Falenderoj ish-ministrin socialist, juristin e njohur z.Elmaz Sherifi për mbështetjen publike që i jep kauzës së Presidentit të Republikës, në mbrojtje të Kushtetutës dhe Gjykatës Kushtetuese, si çështje e të gjithë shqiptarëve pa asnjë dallim. Përsa i takon vërejtjeve që ka ndaj Ilir Metës në të shkuarën e siguroj se unë kam shumë më tepër vërejtje për Ilir Metën në të kaluarën. Por e falenderoj që e kupton shumë drejt se në 2 mars bëhet fjalë vetëm për të ardhmen e Shqipërisë. Nuk ka Kushtetutë pa Gjykate Kushtetuese me integritet. Mbi Kushtetutën qëndron vetëm populli dhe Zoti! Presidenti i nënshtrohet vetëm vullnetit të tyre! Nuk ka Shqipëri pa shqiptarë! Mirësevini të gjithë në 2 mars! ??/ Opinion.al
