Nga Roskoveci, kryetari i Partisë së Lirisë, Ilir Meta ka folur lidhur me ngjarjen e rëndë të ndidhur dje në Himarë duke fajësuar qeverinë.
Meta akuzoi qeverinë se abuzon me qytetarët dhe se ka frikë nga “të fortët” dhe iu përulet atyre. Për protestën që do të zhvillohet pasditen e nesërme, Meta tha se i mbështet, ndërsa nuk ishte i qartë nëse do të merrte vet pjesë.
“Autori i vrasjes është ai, me arrogancën e tij. Bëjnë të fortë me popullin, por para bandave rrinë sus. Një shtet i strukur dhe i përulur ndaj të fortëve. Kjo do të varet nga aktivitetet e tjera por të jeni i sigurt unë jam shpirtërisht në çdo protestë që behet. Dje anulova gjithë aktivitetet e mia për të dalë në konferencë shtypi, se e ndjeva si detyrim, për tu ndalur te fenomeni i shfajësimeve”,-tha Meta.
