Gjatë seancës së sotme plenare, Kuvendi i Shqipërisë ka rrëzuar dekretin për ligjin për “Karrierën ushtarake të Forcave të Armatosura në Republikën e Shqipërisë”.
Presidenti Meta e ktheu në Kuvend këtë ligj pasi sipas tij ky ligj është i pakonsultuar plotësisht, dhe rrjedhimisht në kundërshtim me kërkesat e vendimeve të Gjykatës Kushtetuese.
Sipas Metës me këto ndryshime në këtë ligj, synohet të ulet niveli i arsimit të kërkuar për t`u përfshirë në Forcat e Armatosura të Republikës së Shqipërisë, teksa thekson se ushtarakët po largohen nga Shqipëria, ndaj edhe apelon të përmirësohet trajtimi financiar i tyre, për të ndalur largimin e ushatrakëve nga vendi.
Por dekreti i presidentit është rrëzuar gjatë seancës të sotme plenare me 83 vota kundër dhe 10 abstenim./Opinion.al
