Në konferencën e zhvilluar ditën e sotme, Presidenti Ilir Meta, ka përsëritur akuzat për blerjen e votave. Ai akuzoi ish-ministrin e LSI, Lefter Kokën, ish-kryebashkiakun e Durrësit Vangjush Dakon si dhe Ardian Çelën e OSHEE-së se ble vota.
Më tej, Meta akuzoi djalin e Kokës, se del me pistoletë dhe blen vota shtëpi më shtëpi në Durrës.
“Dy banda të njohura Vangjush Dako që ble vota, Ard Çela i OSHEE-së që ble vota, dhe i treti që duhet të kishte qenë në burg është Lefter Koka, por SPAK-u nuk ka pasur shumë kohë. Me djalin e tij edhe me bandën e tij që terrorizojnë vajzat, gratë, edhe të gjithë njerëzit e ndershëm të Durrësit që të mos votojnë për LSI-së që e bëri ministër atë, edhe këta ndenjën 8 vite pa punë kur ai ishte ministër, edhe mbajtën mbi supe të gjithë baltën e korrupsionit të Lefter Kokës dhe rrugaçërive të djalit të tij. Që del edhe me pistoletë pa leje edhe vete shtëpi më shpi, bashkë me policë dhe persona në kërkim, e të liruar nga burgu për të blerë vota me porosi të Edi Ramës”, tha Meta.
Më tej Presidenti tha se të gjitha janë dërguar në SPAK, por shtoi se prokuroria nuk heton se është e kapur nga Rama.
“I ka SPAK këto, i ka prokuroria po nuk i lë Rama, nuk i lë Engjëll Agaçi, që është njeriu kryesor që ka bërë ligje me porosi për këtë korrupsion“, tha kreu i shtetit./Opinion.al
