LSI nga qyteti verior i Shkodrës ka rritur tonet kundër qeverisë, veçanërisht kryeministrit Edi Rama, por dhe kreut të opozitës Lulzim Basha. Kreu i kesaj partie Petrit Vasili dhe Presidenti i ardhshëm Ilir Meta kanë dhënë edhe sot mesazhe të forta ndaj tyre nga qyteti i Shkodrës.
Ilir Meta: LSI doli forcë e dytë para dy vitesh ne Shkoder, sot rinia e ka marrë vendimin, LSI forcë e parë.
S’ka më kohë për të humbur me Tomin dhe me Xherrin, se socialistët dhe demokratët kanë vetëm një adresë, LSI-në. Forcë e parë se cdo demokrat në Shkodër midis Ramës dhe Petrit Vasilit zgjedh Vasilin për kryeministër, se cdo socialist mes Bashës dhë Vasilit zgjedh Vasilin për kryeministrër. Se Shkodra dhe gjithë Shqipëria ua piu lëngun Tomit dhe Xherrit. S’ka më kohë Shkodra dhe Shqipëria për të humbur me këta karagjozë.
S’ka më kohë rinia e Shkodrës dhe Shqipërisë për tu besuar të pabesëve.
Veprojnë me mafien italiane për ta kthyer Shqiperine në një gropë të mbetjeve të Evropës. Kjo qeveri e ka vendin në arkivat e shqiptarëve si qeveri e shëmtuar e cila tallet me dinjitetin e shkodranëve dhe shqiptarëve.
Petrit Vasili: Drejtimin e ri do ta marrim ne, merruni me punë të tjera. S’kemi më kohë për të humbur me rilindje dhe lindje që na cojnë atje ku s’duam të vemi. Sot ne ndahemi nga kjo demagogji e palodhur e tyre. Le të përballen në një debat, ku ndodhen më freskët, më ngrohtë dhe të vëmë planin tonë dhe planin e tyre për oligarkinë. Se në 25 qershor në Shkodër dhe tërë Shqipërinë duhet të buçasë hymni i gëzimit dhe jo poema e mjerimit. S’ka oligarkë dhe mashtrues që të anullojë këtë forcë që është e juaja.
