Presidenti i Republikës Ilir Mera ka dekretuar propozimin e Kryeministrit Rama për të vendosur Arban Ahmetaj në krye të ministrisë për Rindërtimin.
Kryeministri Rama kishte njoftuar gjatë ditës së sotme krijimin e një ministrie të re për të organizuar dhe koordinuar punën për programin e rindërtimit pas tërmetit të 26 nëntorit.
Në një propozim dërguar presidentit Meta, kryeministri propozoi Arben Ahmetajn si ministër Shteti për Rindërtimin.
Arben Ahmetaj ka mbajtur më parë postin e Ministrit të Ekonomisë dhe Financave, ndërsa aktualisht është kryetar i Komisionit Parlamentar të Ekonomisë.
Tani pritet nëse Presidenti Meta do të dekretojë krijimin e një ministrie të re me Ahmetajn në krye.
“Presidenti Meta dekreton emërimin e z. Arben Ahmetaj, Ministër Shteti për Rindërtimin
Në mbështetje të nenit 93 dhe 98, pika 1 të Kushtetutës, me propozim të Kryeministrit, nr. 6156 prot., datë 13.12.2019, administruar në Institucionin e Presidentit të Republikës me nr. 4807 prot., datë 13.12.2019,
D e k r e t o j:
Neni 1
Zoti Arben Ahmetaj, emërohet ministër Shteti për Rindërtimin.
Neni 2
Ky dekret hyn në fuqi menjëherë.”
