Kreu i Kuvendit, Ilir Meta gjatë takimit me strukturat e LSI në Berat theksoi zbatimin e reformën në drejtësi dhe dekriminalizimin, si procese kyçe në rrugën drejt integrimit europian.
Meta u ndal edhe tek kërkesa e opozitës për zgjedhje të lira e të ndershme, teksa pohoi se LSI është e orientuar drejt zgjedhjeve të lira, dhe është pro listave të hapura.
Meta: LSI ka qenë një forcë e orientuar drejt kauzave më të rëndësishme të zgjedhjeve të lira, të listave të hapura, që shqiptarët të kënë mundësi jo vetëm të votojnë, por edhe të zgjedhin.
Meta nuk la pa theksuar rëndësinë e dekriminalizimit dhe për nevojën e pastrimit të politikës nga elementët kriminalë.
Meta: Të pastrojmë politikën nga elementë me probleme kriminaliteti dhe të gjithë politikanët që duan të kontribuojnë në reformën në drejtësi duhet të mbështesin zbatimin e dekriminalizimin, duhet të ndërpresin cdo lloj komunikimi me elementë kriminale.
Si kryetar Kuvendi Ilir Meta theksoi rëndësinë që ka dialogu politik në vend për hapjen e negociatave për integrimin e vendit.
