Ish kreu i LSI dhe presidenti i zgjedhur Ilir Meta ka reaguar ashpër pas plagosjes së aktivistit të LSI në Lezhë. Në një lidhje telefonike për news 24 nga Lezha Meta është shprehur se 3 persona kanë plagosur aktivistin LSI, ashtu si edhe u përfol në media edhe Meta konfirmoi se bëhet fjalë për nipërit e Arben Ndokës si autorë të kësaj ngjarje.
Samuel Ndoka, Don Ndoka, Genc Hakica jane emrat qe ka bere publik Meta.
Meta tha se sëbashku me antarin e plagosur Florian Dushku ka bërë të gjitha procedurat në Prokurori.
Po ashtu Meta ka qenë i ashpër edhe me Policinë dhe kryeministrin Rama që sipas tij po bashkëpunojnë me banda për tu ushtuar qytetarëve presion për votat.
“Nuk kuptoj pse ka reaguar PS sepse nuk kam folur për PS po për bandat e rilindjes. Dhuna është ushtuar nga 3 persona të ndihmuar nga policia. 3 persona e kanë plagosur aktivistin LSI këto janë urdhra të dhënë nga shefi i Rilindjes. Së bashku me personin e goditur kemi bërë të gjitha veprimtaritë për Prokurorinë.
Sot në ditën e zgjedhjeve në festën e demokracisë këta banditë, Samuel Ndoka, i denuar dhe në kërkim Don Ndoka, Genc Hakica, sot në Shëngjin, kanë sulmuar me armë, kanë qëlluar dy herë dhe jo njëherë sicc raporton Policia drejtë aktivistit të LSI Florian Dushku. Dhe e kanë goditur me pistoletë në kokë kjo ngjarje ka ndodhur vetëm 70-80 metra larg qëndrës së votimit.
Rilindja është përgjegjëse e kësaj dhune. Bandat e Rilindjes janë në Pukë, në Fier dhe në Berat. Jam në Lezhë me eskort2ën time, nuk do lejojmë bandat të dhunojnë votën e qetarëve Lezhjan. Jam i bindur se të gjitha këto janë bërë me përgjegjësi maksimale”, është shprehur Ilir Meta. /Opinion.al
