Në eventin e njohur “Met Gala” të vitit 2017, të mbajtur në Muzeun Metropolitan të Artit, ditën e hënë, Rita Ora e kombinuar me dukjen e saj, kishte vendosur vathë në vlerë prej 3 milion dollarësh.
Rita kishte veshur një fustan të kuq mjaft interesant, me një fjongo të madh, e po ashtu flokë të bardha tejet të shkurtra, ndryshim ky i cili kishte qenë një befasi shumë e pëlqyer për të pranishmit.
Argjendaria amerikane Lorraine Schwartz, është përkujdesur për vathët e Rita Orës , të cilët si duket, kanë tërhequr më së shumti vëmendjen nga të gjitha pjesët tjera të dukjes.
Grimi i këngëtares shqiptare ka qenë më shumë i fokusuar tek pjesa e buzëve, përkatësisht tek ngjyra e kuqe e buzëve e cila është kombinuar me nuance të fustanit, ndërkohë që pjesa tjetër e fytyrës ka qenë më e thjeshtë.
Dukja e Ritës është pëlqyer shumë nga fansat e saj të cilët menjëherë kanë reaguar pozitivisht në rrjetet sociale, komentet për të kanë qenë pozitive edhe nga mediat ndërkombëtare.
