Qeveria ka vendosur mbylljen e TikTok për një periudhë 1-vjeçare, me qëllim shmangien e dhunës veçanërisht te fëmijët. Por sa të ekspozuar janë fëmijët ndaj internetit dhe posaçërisht TikTok-ut? Një pjesë e adoleshentëve thonë se TikTok nuk e kanë fare si aplikacion, por qëndrojnë për kohë të gjatë në telefon me aplikacione të tjera.
Mësuesit e vlerësojnë si pozitive mbylljen e TikTok edhe pse nuk e shikojnë si zgjidhje të problemin të dhunës mes adoleshentëve. Mësuesit thonë se prindërit duhet të jenë më të vëmendshëm ndaj kohës së qëndrimit të fëmijëve në internet.
Sipas vendimit të qeverisë ndërprerja e TikTok do të zgjasë derisa të rregullohet aksesi i fëmijëve në këtë platformë. Opozita ka paralajmëruar protestë më 15 Mars kundër mbylljes së TikTok pasi e konsiderojnë si censurë ndaj lirisë së fjalës./ Klan News
