Lionel Messi është futbollisti që ka fituar rreth 126 milionë euro këtë sezon duke u bërë kështu futbollisti që ka fituar më shumë në një sezon futbollistik nga rroga, bonuset dhe të ardhurat nga e drejta e imazhit.
Sipas “France Football” bëhet e ditur se argjentinasi ka kaluar Cristiano Ronaldon, i cili vitin e kaluar ishte i pari me 87.5 milionë euro të fituara.
Tashmë është Messi që kryeson me kuotën e 94 milionë eurove të fituara.
Rritja e këtyre fitimeve ka ardhur si rezultat i rinovimit me Barcelonën.
Ndërkohë i vetmi futbollist që mund të rivalizojë dyshen Messi-Ronaldo është Neymar, i cili këtë sezon ka fituar 81.5 milionë euro, duke dyfishuar kështu fitimet e një sezoni më parë.
Pas Neymar vijnë Gareth Bale me 44 milionë euro dhe Gerard Pique me 29 milionë euro të fituara gjatë këtij sezoni.
