Lionel Messi duket se ka lënë pas dëmtimin në krahun e djathtë dhe do të “debutojë” me Barcelonën këtë të dielë ndaj Real Betis.
“Pleshti” argjentinas është grumbulluar nga tekniku katalanas Ernesto Valverde për sfidën ndaj klubit nga Sevilla, por ky i fundit ka pohuar se nuk ka vendosur ende për aktivizimin ose jo të tij.
“Ne do të vendosim nesër nëse mund të luajë 90 minuta ose jo. Mendoj se ai mund të luajë. Ai është shumë i sigurt, mendoj se do të jetë në rregull “-tha Valverde në konferencën për shtyp.
Messi theu parakrahun e tij të djathë rreth 3 javë më parë dhe si pasojë humbi duelet e rëndësishme si “El Clasicon” ndaj Realit të Madridit apo sfidën e dyfishtë me Interin në Champions League.
