E cilësuar si një skuadër e vogël për të marrë pjesë në një Kupë Bote, kombëtarja e Islandës tregoi se përmasat tokësore nuk kanë të bëjnë aspak me cilësinë që ata zotërojnë në aspektin futbollistik. Ishullorët ndalën në barazim Argjentinën e përbërë nga yje të futbollit botëror, ku bie në sy Lionel Messi.
“Pleshti” ishte futbollisti që pritej shumë nga fansat e Argjentinës, me tifozët “Albicelestë” që i kishin kushtuar dhe një foto-montazh, superstarit të Barcelonës. Në foton që bëri xhiron e botës, Messi, i cilësuar si “Messia e futbollit” shfaqej në rolin e Jezu Krishtit.
90 minutëshi i parë nuk e personifikoi aspak si të tillë. Mbase e ka ruajtur për ndeshjet e radhës! Le të shpresojmë…
