Ylli i Argjentinës, Lionel Messi është shprehur se mund të mbyllë karrierën edhe në Argjentinë.
Gjatë një interviste për mediat argjentinase, Messi ka thënë se në Evropë nuk do të vishte fanellë tjetër, përveç Barcelonës.
“Sa më shumë që kalon koha, aq më shumë bindem që në Europë do të mbaj veshur vetëm një fanellë, vetëm atë të Barcelonës. Gjithmonë jam shprehur se do të doja që një ditë të luajë në Argjentinë. Nuk e di nëse kjo do të ndodhë, është thjesht një ide. E kjo do të ndodhte vetëm me Neëell’s Old Boys, të paktën për 6 muaj” është shprehur argjentinasi.
Gjithashtu Messsi ka thënë se do të ishte diçka unike nëse fitoj një trofe me Argjentinën, por ka parashikuar edhe favoritët e Botërorit që do të fillojë më 14 qershor në Rusi.
“Do ta ndërroja një titull të fituar te Barcelona me një të kombëtares. Një trofe me Argjentinën do të ishte diçka unike. Është realitet që sot nuk jemi shumë të fortë, kemi lojtarë me shumë cilësi dhe eksperiencë, por duhet të jemi realist dhe të përulur. Duhet t’i marrim ndeshjet një e nga një. Do të ishte shumë e rëndësishme që ta nisnim me fitore Botërorin. Mendoj se favoritët kryesorë për të triumfuar në Rusi janë Brazili, Spanja dhe Gjermania” ka shtuar me tej Messi.
