Damiano dhe Donieta ishin një çift i ri që u futën brenda shtëpisë së BB javën e shkuar por që ditën e djeshme, siç u dha në media, ishte Donieta ajo që kërkoi të largohej bashkë me partnerin e saj nga shtëpia, për shkak se nuk qëndronte dot më e mbyllur.
Me qetësinë më të madhe e ka pranuar Damiano këtë vendim të vajzës, edhe pse vetë kishte punuar fort për të arritur deri në këtë pikë të spektaklit. Me një dominancë ndaj gjithë çifteve të tjera, disi e dyshimtë ishte arsyeja dhe vendimi i Donietës.
Të shumtë janë ata që mendojnë se kjo është thjesht një lojë, ndërsa një burim i “Joq”pranë shtëpisë së “Big Brother” shprehet se e vërteta është krejt ndryshe. Çifti nuk la shtëpinë për shkak të problemeve të Donietës, por si pasojë e një penalizimi.
Ata nuk u puthën në buzë në lojën “Kiss” dhe sipas “Joq” kjo ishte dhe arsyeja që ata u përjashtuan nga shtëpia.
