Pesë vajza të moshës 12 vjeçare janë paraqitur mesditën e sotme në urgjencën e Pediatrisë në QSUT. Ato janë nxënëse të shkollës 9-vjeçare “Jashar Hoxha” të Paskuqanit.
“Pacientet kanë shenja helmimi”, thonë mjekët që po kujdesen për shëndetin e tyre. Ende nuk dihet nëse janë helmuar nga ushqimi që kanë konsumuar në shkollë, apo nga agjentë të jashtëm. Vajzat kanë marrë serum dhe medikamente të tjera në urgjencë. Aktualisht 2 janë larguar dhe 3 vazhdojnë të jenë në spital, thanë burime të besuara për Opinion.al.
Sakaq kanë mbërritur edhe prindërit, të cilët të irrituar kanë kërkuar të dinë nëse vajzat e tyre kanë konsumuar cigare hashashi në shkollë. Mjekët thonë se shenjat janë për një helmim nga ushqimi.
Kujtojmë se çështja është politizuar pasi deputeti i PD, Asllan Dogjani u ka thënë mediave se në shkollë është konsumuar hashash. Sakaq, Ministrja e Arsimit, Lindita Nikolla i ka mohuar këto akuza.
Po kështu edhe Policia e Tiranës mohon të jetë konsumuar hashash në këtë shkollë. Përmes një komunikate për mediat, bëhet e ditur se vetë drejtoresha e shkollës ka sinjalizuar për rastin dhe ka shprehur dyshime se një nxënës mund të ketë pirë hashash në ambientet e shkollës. /Opinion.al
Ja çfarë thotë policia për ngjarjen:
