Vendi ynë do të përfshihet nga i nxehti afrikan. Pas të mërkurës, temperaturat pritet të rriten ndjeshëm duke bërë që termometri të kapërcejë edhe në vlerat mbi 38 gradë Celsius.
Për meteorologët këto temperatura nuk janë aspak normale dhe të stinës.
“Sot dhe nesër do të ketë temperatura deri në 33 gradë maksimumi në Ultësirën Perëndimore. Nga e mërkura dhe në vijim temperaturat do të rriten ndjeshëm ku maksimumet do të ngjiten deri në 38 gradë në qarkun e Elbasanit dhe Beratit”.
Gjatë kësaj jave, sipas parashikimeve, pjesa më e madhe e vendit do të jetë me kthjellime dhe kalime të pakta vranësirash të cilat më të dukshme do të jenë në zonat malore duke krijuar mundësi për momente të pakta shiu.
