Lionel Messi i ka irrituar tej mase mediat serbe. Madje, ato aq larg shkojnë sa që shkruajnë se serbët duhet të bëjnë tifo për Cristiano Ronaldon, sidomos para El Clasicos që zhvillohet të shtunën nga ora 18:15.
‘Supersport.rs’ shkruan se Messi është fotografuar me një fanellë ku është flamuri shqiptar, i cili sipas tyre është postuar nga shqiptarët në Facebook, por që foton nuk e publikojnë shkaku i inatit, shkruan GazetaOlle.com.
Sipas Supersport.rs, argjentinasi me këtë foto ka provokuar serbët. Megjithatë kjo foto duket të jetë montazh, por serbët nuk kanë shkruar për një gjë të tillë, ata e quajnë provokim foton që po qarkullon nëpër internet. / Express
