Deputeti Luan Baçi nuk do të drejtojë më degën e Partisë Demokratike në Fier. Në vend të tij kryetari Basha ka komanduar Agron Kapllanja, ish-kandidat për deputet, që për një numër të vogël votash nuk arriti të thyejë herësin. Sikurse mëson abc news, komandimi i tij ne krye të PD në Fier, ka ardhur pasi Luan Baçi ka dhënë dorëheqjen.
Komandimi i Kapllanaj është argumentuar në bazë të statutit të partisë dhe do të vijojë deri në zgjedhjet e reja në PD, sipas parimit një anëtar një votë.
Kujtojmë se deputeti Baçi ka qenë pjesëmarrës në takimin “Foltorja” që themeluesi i PD Sali Berisha mbajti në qytetin e Fierit. Ai ka qenë gjithashtu një zë kritik me Bashën për largimin e Berishës nga grupi parlamentar./Opinion.al
