Në përgjithësi femrat janë qenie shumë komplekse dhe shpesh herë është e vështirë të kënaqen. Edhe ku meshkujt mendojnë për mirë, zakonisht ndodh që nuk i afrohen fare pritshmërive të partnereve të tyre. Por edhe meshkujt nuk janë më të pafajshëm. Ndonjëherë tregohen kaq naiv dhe të pakujdesshëm karshi dhuratave, sa edhe femra më e thjeshtë në botë do zhgënjehej. Më poshtë, disa meshkuj të “penduar”, kanë rrëfyer se cilat kanë qenë ato dhurata që nuk i afrohen aspak të bukurës.
- “I bleva disa DVD. Për mua ishin shumë interesante. Por, që pas asaj dite lidhja nuk shkoi si duhet.”
- “Mendova se një Scooby Doo i mbushur me dhurata do të ishte ideali, sepse është edhe personazhi im i preferuar…”
- “Shkova të bleja parfum dhe dëgjova këshillën e shitëses lidhur me aromën. Ndodhi që e dashura e krahasoi me ‘parfumin e gjyshes’.”
- “Isha i lumtur që më në fund gjeta dhuratën e duhur. Ajo hapi kutinë dhe u pre në fytyrë. I kisha dhuruar një palë vathë që i kishte prej vitesh…”
- “I dhurova një kartë blerje me një shumë të konsiderueshme. Më kishte ndodhur një ngatërresë me llogarinë bankare dhe ajo nuk kishte mundur të blinte asgjë. Me pak fjalë, nuk mori dhuratë për një vit!”
