Papa Françesku bëri thirrje për lutje si për popullin ukrainas ashtu edhe për popullin rus ndërsa kryesoi meshën e së dielës së Pashkëve në sheshin e Shën Pjetrit në Vatikan.
Duke folur nga ballkoni i Bazilikës së Shën Pjetrit, Françesku i kërkoi Zotit që “të ndihmojë popullin e dashur ukrainas në udhëtimin e tyre drejt paqes dhe të hedhë dritën e Pashkëve mbi popullin rus”.
Papa u lut për të plagosurit dhe shprehu ngushëllimet për ata që kanë humbur të dashurit në luftë dhe për kthimin e sigurt të robërve të luftës.
Kreu i Kishës Katolike Romake i kërkoi gjithashtu komunitetit ndërkombëtar të punojë për t’i dhënë fund luftës dhe të gjitha konflikteve që “njollosin botën me gjak” .
Që nga fillimi i pushtimit të plotë të Ukrainës nga Rusia, Papa ka përmendur Ukrainën në pothuajse të gjitha fjalimet e tij publike dhe ka kritikuar gjithnjë e më shumë Moskën.
Ai i cili gjithashtu u bëri thirrje izraelitëve dhe palestinezëve që të punojnë drejt “një klime besimi”, foli ndërsa të krishterët ortodoksë kremtonin të Dielën e Palmës dhe fillimin e Javës së Shenjtë./Opinion.al
