Presidenti i vendit, Bajram Begaj mori pjesë ditën e sotme në ceremoninë e inaugurimit të Papa Leoni XIV në Selinë e Shenjtë, Vatikan.
Përmes një postimi në rrjete sociale, teksa ka ndarë foto nga ceremonia, Begaj njofton se pati edhe një takim me Papa Leoni XIV, të cilit i shprehu urimet më të përzemërta me rastin e zgjedhjes At i Shenjtë dhe Peshkop i Kishës Katolike Romake.
“I lumtur që isha pjesë e ceremonisë së inaugurimit të Papa Leoni XIV në Selinë e Shenjtë, Vatikan.
Le të frymëzohemi nga misioni i Papa Leoni XIV për paqen dhe ndërtimin e urave të dialogut për të përballuar bashkë sfidat dhe pasiguritë.
Besoj se Papa Leoni XIV do të sjellë paqe, harmoni dhe unitet në botë.
Shqipëria pret me padurim të vazhdojë marrëdhënien e ngrohtë e të sinqertë me Vatikanin”, shkruan Begaj.
