Sot luhet në stadiumin “Air Albania” derbi mes Partizanit dhe Tiranës. Interesi për këtë ndeshje ka qenë mjaft i madh ku njoftimi i fundit zyrtar ishte para disa orësh dhe numri i biletave të shitura ishte 19.000.
Tifozët e Partizanit kanë hapur edhe një banderolë prekëse ku shkruhej: “Muret do ngrihen sërish, engjëjt do kujtohen përgjithmonë”.
Ndërkohë, në fushën e gjelbër kanë hyrë me radhë forcat e ushtrisë, policisë, zjarrfikësve dhe urgjencës civile që morën pjesë në operacionet e shpëtimit pas tërmetit, teksa tifozët e dy grupimeve i përshëndetën me duartrokitje të gjata./Opinion.al
