Është përcjellë për në banesën e fundit, Diana Vrapi, gruaja shqiptare që u vra nga i shoqi në Itali. Krimi i rëndë ndodhi në banesën e çiftit në komunën Bustio Arsizo në provincën e Varezes (Itali), ku ata jetonin prej kohësh.
Diana u përcoll me nderime dhe mesha u mbajt në kishën “San Michele”. “E vetmja përgjigje ndaj së keqes nuk është një tjetër e keqe, por dashuri e përkushtim”, tha famullitari Don Giorgio Fantoni. Në ceremoninë mortore morën pjesë edhe shumë myslimanë, raportojnë mediat lokale. Të pranishëm ishte edhe kryebashkiaku Emanuele Antonelli dhe nënkryetari i bashkisë, Stefano Ferrario.
Mbi kangjellat e kishës, një parullë ishte vendosur nga fëmijët e Dianës: Brigel, Elona e Steven, me një mesazh: “Mirupafshim nënë, në orën 16.48 hape qiellin… Tashmë të takon ty më shumë se kurrë, merr frymë për ne”.
