Papa Françesku mori pjesë ditën e sotme në konferencën “Arena e Paqes” që u organizua në Arenën e Veronës.
Të pranishëm në këtë eventë ishin edhe një shtetas izraelit dhe një palestinez. Nga kjo konferencë ata përcollën mesazhin më të bukur për paqen.
Izraeliti Maoz Inon, i cili humbi prindërit e tij në sulmin e 7 tetorit 2023 nga Hamasi, dhe palestinezi Aziz Sarah, vëllai i të cilit u vra në një operacion të ushtrisë izraelite, u përqafuan.
Ndërkohë salla në arenën e Veronës e mirëpriti gjestin me duartrokitje të mëdha dhe përshëndeti fjalimin e paqes të mbajtur prej dy viktimave të konfliktit nga pala izraelite dhe palestineze.
Mendoj se nuk ka nevojë të thuhet asgjë”, komentoi Papa Françesku.
“Paqja nuk do të jetë kurrë fryt i mosbesimit, i mureve, i armëve të drejtuara nga njëri-tjetri. Të gjithë do të korrin atë që kanë mbjellë. Le të mos mbjellim vdekje, shkatërrim, frikë. Le të mbjellim shpresë! Kjo është ajo që po bëni edhe ju, në këtë arenë të paqes. Mos u dekurajoni, mos u bëni spektatorë të të ashtuquajturës luftë e pashmangshme”, u shpreh ai.
