Drejtori i Urgjencës Kombëtare Skëndër Brataj tha në studion e emisionit “Opinion” se mesatarja e rasteve që rezultojnë pozitivë pritet të ulet në raport me numrin e testeve të kryera në vend.
Sikurse u shpreh gazetari Blendi Fevziu, deri tani në Shqipëri ka vetëm 114 teste dhe 10 persona të identifikuar me koronavirus, çka shënon një mesatare relativishttë lartë të të prekurve në raport me testet.
Por Drejtori i Urgjencës Skënder Brataj tha se kjo mesatare është e lartë për shkak të faktit që jemi vetëm në dy ditët e para dhe po bëhet gjurmimi i të afërmeve të personave të prekur.
Brataj: 114 që është numri i testimeve nuk mund të merret, sepse jemi në dy ditët e para ka patur një bum dhe në gjurmimin e rasteve numri është gjithmonë më i madh.
Fevziu: Italia në 1 mijë prova kishte 10 të infektuar!
Brataj: Edhe tek ne mesatarja tek do bjeri. Ditën e parë është gjurmimi i gjithë rasteve dhe gjithë numrat që kanë qenë rreth këtij pacienti të parë, janë kontaktet e afërta. Janë shtuar testimet dje dhe sot. Sidomos sot janë më shumë, nuk i dimë akoma rezultatet e provave të fundit./Opinion.al
